HORIZONTE DE SUCESOS

THE CRAMPS é un deses grupos que sempre me caeron simpáticos (como case que todos os grupos que teñan unha estética "propia" e que venden máis camisetas que discos :-) pero dos que nunca me parei a escoitar moito e nin tan siquera a baixar a súa música (debo ter só un par de discos; agora baixarei algún máis :-) e iso que teño epocas de escoitar bastante psychobilly dende que descubrín en COU a The Meteors (ista batallita para outro día). Cando me decatei que ían tocar o mesmo día que Buahaus e !!! no Paredes pensei que sería algo de complemento e probablemente prescindible.

Sorpresa importante: a maior parte do público estaba alí máis por os cramps que por bauhaus (e xa non digamos por !!!).

O concerto empezou baixo (agás a primeira canción, unha das míticas que a teñen moi trillada) e durante un rato pensei que ía ser un desastre de concerto: viase un grupo con clase e experiencia que quedaría moi ben nalgún garito oscuro (La iguana, of course) pero que nin por asomo podían encher de música (ou son) un auditorio desas características. Por riba había problemas de son (a guitarra, creo recordar). Pero mediado o concerto Lux Interior, o cantante, fixo o que se espera dun grupo deste estilo: que se desmelene, que solten o punk que levan dentro para que os espectadores tamén o liberemos. E funcionou. Imaxino que nun grupo destas características históricas hai moito de pose (ja, coma en todos: eu os imaxino con traxes normais, indo ó ximnasio e tomando bebidas isotónicas; no fondo deberíame darme igual por que iso tamén é unha pose miña e ó mellor trabucome e resultan que son de verdade; que máis ten! ) e pouco de punk auténtico, pero o caso é que o concerto levantouse e os non incondicionais quedamos con un bó recordo.

Para saber máis de The Cramps: THE CRAMPS NA WIKIPEDIA
Algo sobre psychobilly: PSYCHOBILLY




THE CRAMPS en Paredes de Coura (ollo, a grabación non é miña pero está feito case dende onde eu estaba))





THE CRAMPS en directo nunha mellor grabación





MÍTICO CONCERTO DE THE CRAMPS nun psiquiátrico (isto si é punk de verdade, con tolos de verdade bailando :-). Se só podedes ver un vídeo hoxe que sexa este. IMPRESCINDIBLE!. pese á mala calidade.