HORIZONTE DE SUCESOS

Fai case un mes, buscando discos no soulseek da cantante kurda Aynur, atopei un recopilatorio chamado Crossing the bridge: The sounds of istambul composto por diversos grupos desta cidade de unha morea de estilos: rock, psicodelia, electrónica e por suposto folc. E semanas despois vin que o disco en realidade é a BSO dunha película que ven de estrearse co mesmo título (e que obviamente non veremos nos cines comerciais de Vigo :-). Na película Alexander Hacke, compoñente do imprescindible grupo alemán Einstünzerden Neubaten fai un percorrido pola cidade e a súa música. Sen ver a película é obvio que o resultado da mesma é demostrar que nestes intres Istambul ha de ser probablemente unha das cidades europeas máis aberta, cosmopólita e rica culturamente. Organizamos unha viaxe?

O director da peli tamén dirixiu Contra a parede, boa película con mellor BSO.

Despois da decepción dos dous últimos discos de KANNON (oxalá lles vaia bonito, vendan mogollón de discos e saian nas radios comerciais, de verdade que me alegraría - aos meus alumnos siguen a gustarlles -) hoxe por hoxe penso que o mellor grupo da cidade niso difuso que podemos chamar ROCK son "los high sierras". Evidentemente non inventan nada, o son é totalmente clásico e nunca van gañarse a vida nisto tal e como anda o tema musical, pero é que grupos coma este son máis que necesarios para o noso inconsciente colectivo. Por moito que molen os sons novos na música (tecno, rap,...) hai algún tipo de Máxia única nunha guitarra eléctrica en directo (no tecno ou no rap tamén hai máxia pero é doutro tipo, menos ancestral)

O sábado estiven no concerto da fábrica de chocolate. Todo ben (isa hora e pico de retraso :-) agás que non me tocou ninguha das camisetas que sortearon (merquei unha de todos xeitos :-)
Parece ser que a intención que teñen é de sacar o seu segundo disco ó longo deste ano cando solucionen algúns problemas (non especificcados). Se é tan bó como o primeiro (e polo concerto parece que será similar) benvido sexa.